Universitetet i Bergen (UiB) er eit byuniversitet der sentrale delar av campus ligg i Bergen sentrum. Vi har ca. 14 300 studentar og omlag 3 300 tilsette. UiB er kjend for forsking på høgt internasjonalt nivå og har mellom anna fleire sentre for framifrå forsking (SFF). Vi har ein sterk internasjonal profil, som medfører tett samarbeid med universitet over heile verda.
Postdoktor i translasjonell kreftforsking ved Institutt for biomedisin
Ved Universitetet i Bergen, Institutt for biomedisin, er det ledig ei 3-årig stilling som postdoktor knytt til prosjektet ”Targeting invasive and angiogenic mechanisms in human glioblastoma”, finansiert av Norges Forskningsråd (NFR). Postdoktoren vil høyre til forskingsgruppa Translasjonell kreftforskning. Arbeidsstad er Bygg for Biologiske Basalfag, Jonas Lies vei 91, Bergen.
Prosjektet går ut på å undersøkje mekanismar av invasjon i maligne hjernesvulstar. Forskinga er basert på ein unik dyremodell. Målsetjinga er å hemme invasjon og angiogenese samstundes, for å oppnå ein effektiv terapi. Se på webside www.neuroconcept.org for ytterlegare informasjon.
Utfyllande opplysningar om stillinga kan ein få ved å vende seg til førsteamanuensis Hrvoje Miletic, tlf +47 968 47 286, e-post hrvoje.miletic@biomed.uib.no
Kvalifikasjonar
- Du må ha doktorgrad innan cellebiologi, eller tilsvarande utdanning, eller ha levert doktoravhandlinga til bedømming innan søknadsfristen er ute. Det er ein føresetnad at avhandlinga er godkjent før tilsetjing kan skje.
- Det er ønskjeleg at du har erfaring frå arbeid med dyremodellar, cellekultur, flow cytometry, PCR, western blot og immunhistokjemi
- Du må kunne nytte munnleg og skriftleg engelsk
- Det vil bli lagt stor vekt på personlege eigenskapar. Du må vera sjølvstendig, kunne samarbeide, vere motivert og ansvarsmedviten, og i tillegg ha stor arbeidskapasitet og entusiasme for forsking.
Vi kan tilby
- Eit godt og utfordrande arbeidsmiljø i forskingsfront
- Løn etter lønssteg 57 (kode 1352/LR 24.1) i Statens Lønnsregulativ ved tilsetjing. Vidare opprykk skjer etter tenesteansiennitet i stillinga.
- God pensjonsordning i Statens Pensjonskasse
- Stilling i ei verksemd med inkluderande arbeidsliv (IA) avtale
Slik søkjer du stillinga
Du sender søknaden med vedlegg elektronisk via Jobbnorge ved å klikke på knappen merka «SØK PÅ JOBBEN».
Søknaden skal innehalde
- Søknadsbrev der du seier noko om din motivasjon for stillinga
- Oversikt over utdanning og arbeidserfaring (CV)
- Attesterte kopiar av vitnemål og relevante attestar. Søkjarar med utanlandsk utdanning må leggje ved både vitnemål på original språket og autoriserte oversetningar.
- Publikasjonsliste
- Vitskapelege arbeid
- To referansar (namn og kontaktinformasjon)
Søknadane vert sendt elektronisk til den sakkunnige nemnda. Vi gjer merksame på at søknader vert vurdert med den informasjonen som ligg føre i JobbNorge når søknadsfristen går ut. Det er søkjar sitt ansvar å sørgje for at alle relevante vedlegg er sendt inn innan fristen.
Om rekruttering i statlege stillingar
Den statlege arbeidsstyrken skal i størst mogleg grad spegle mangfaldet i folkesetnaden. Det er difor eit personalpolitisk mål å få ei balansert alders- og kjønnssamansetjing og å rekruttere personar med innvandrarbakgrunn. Personar med innvandrarbakgrunn vert oppmoda til å søkje stillinga.
Universitetet i Bergen nyttar utvida offentleg dokumentinnsyn ved tilsetjing i vitskaplege stillingar. Vi gjer deg difor merksam på at opplysningar om deg som søkjar kan gjerast offentlege sjølv om du har oppmoda om ikkje å stå på søkjarlista. Dersom oppmodinga ikkje vert teken til følgje, vert du varsla om dette.
Den som vert tilsett må rette seg etter dei retningslinene som til kvar tid gjeld for stillinga.